ՀՀ ՈստիկանությՈւն

Հուլիսի 5-ին սոցիալական կայքի օգտատերերից մեկը, ապա նաև ԶԼՄ-ներում հրապարակում է արվել, որ «Զվարթնոց» միջազգային օդանավակայանում գիշերային չվերթերի ժամանումից հետո անձնագրային բաժանմունքում Հայաստան ժամանած օտարերկրացիներին մուտքի վիզա տրամադրելու համար աշխատակիցները տեղում չեն եղել, ինչը պատճառաբանվել է իբրև ոչ աշխատանքային օր լինելու հանգամանքով:

Հրապարակման կապակցությամբ պարզաբանում ենք՝

ՀՀ ոստիկանության անձնագրային և վիզաների վարչության պետական սահմանի անցման կետերում ծառայություն իրականացնող բոլոր ստորաբաժանումները, այդ թվում՝ «Զվարթնոց» օդանավակայանի բաժինը, աշխատում են շուրջօրյա ռեժիմով։ Սույն թվականի հուլիսի 4-ի և 5-ի հերթափոխները ծառայությունն իրականացրել և իրականացնում են ամբողջական կազմով, հերթափոխը կատարվել է սահմանված ժամին և ստորաբաժանումներն իրականացնում են օրենքով վերապահված բոլոր գործառույթները՝ անկախ ոչ աշխատանքային օր լինելու հանգամանքից։

Կրկին խնդրում ենք լրատվամիջոցներին հրապարակել ստույգ և ճշգրտված տեղեկություններ։

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻՈՒԹՅՈՒՆ ՍՏԱՆԱԼՈՒ ԴԻՄՈՒՄՆԵՐԻ ՎԵՐԱԲԵՐՅԱԼ

2022 թվականի առաջին կիսամյակում նկատվում է ՀՀ քաղաքացիություն ստանալու դիմումների քանակի կտրուկ աճ։ Այսպես, եթե 2021 թվականի հունվար-հունիս ամիսներին ՀՀ քաղաքացիություն ստանալու դիմումների քանակը կազմել է 3448 դիմում, ապա 2022 թվականի նույն ժամանակահատվածի համար այն կազմում է 9917 դիմում։

Ուսումնասիրությունները ցույց են տալիս, որ այս տարվա ընթացքում քաղաքացիություն ստանալու համար մոտ 200 տոկոսից ավել դիմելիությունը պայմանավորված է հիմնականում Ռուսաստանի Դաշնությունում ապրող ազգությամբ հայերի ՀՀ քաղաքացիություն և ՀՀ քաղաքացու անձնագիր ձեռք բերելու պահանջի հետ, որն իր հերթին առաջացրել է մեծաքանակ հերթեր Անձնագրային և վիզաների վարչությունում։

Չնայած այն հանգամանքին, որ Անձնագրային և վիզաների վարչության քաղաքացիության բաժինը աշխատում է գերծանրաբեռնված ռեժիմով, վարչությունն ապահովում է բոլոր դիմումատուների սպասարկումը և օրենքով սահմանված ժամկետներում ու կարգով գործերի ընթացքը։

Հարկ է նշել նաև, որ 2022 թվականի հունիսի 25-ից սկսած քաղաքացիություն ստանալու դիմումները քննարկվելու են 90 աշխատանքային օրվա ընթացքում՝ նախկինում սահմանված 6 ամսյա ժամկետի փոխարեն։

                                                                                                                                                                                                                                ՈՍՏԻԿԱՆՈՒԹՅԱՆ ԱՆՁՆԱԳՐԱՅԻՆ ԵՎ ՎԻԶԱՆԵՐԻ ՎԱՐՉՈՒԹՅՈՒՆ

Անձնագրային և վիզաների վարչության ստորաբաժանումներ.

Անձնագրային բաժին

Բաժնի պետ՝ Աննա Հովսեփի Մակարյան

Քաղաքացիության բաժին

Բաժնի պետի պարտականությունները ժամանակավոր կատարող՝ Սեդա Ռոբերտի Հարությունյան

Վիզաների և օտարերկրյա քաղաքացիների հաշվառման բաժին

Բաժնի պետ, ոստիկանության փոխգնդապետ՝ Վահե Ռուբիկի Բալաբեկյան 

Բնակչության պետական ռեգիստրի վարման և սպասարկման բաժին

Բաժնի պետ

Ֆինանսաբյուջետային բաժին

Բաժնի պետ՝ Տաթևիկ Ռոբերտի Ղուկասյան

/հեռ․ 011-37-02-28/

Կազմակերպական-հսկողական բաժին

Բաժնի պետ, ոստիկանության փոխգնդապետ՝ Արսեն Արթուրի Գևորգյան

/հեռ․ 011-37-02-68/

Իրավաբանական բաժանմունք

Բաժանմունքի պետ, ոստիկանության մայոր՝ Իրինա Կարենի Մկրտչյան

/հեռ․ 011-37-02-43/

Կադրերի բաժանմունք

Բաժանմուքի պետ՝ Շուշան Միշաի Սարգսյան

/հեռ․ 011-37-02-31/

Քարտուղարություն

Պետ՝ Գայանե Հենրիկի Մելիքյան

/հեռ․ 010-59-07-38/

2022 թվականի հունիսի 25-ից ուժի մեջ են մտնում «ՀՀ քաղաքացիության մասին» օրենքում կատարված փոփոխություններն ու լրացումները, որոնց նպատակը քաղաքացիություն ստանալու և դադարեցնելու հետ կապված հարաբերություններում  մատուցվող ծառայությունների որակի բարելավումն է, այս ուղղությամբ իրականացվող վարչարարության պարզեցումն ու իրավակիրառ պրակտիկայում առաջացած խնդիրների լուծումը։ Մասնավորապես, նոր փոփոխությունները միտված են հետևյալ հարցերի կարգավորմանը՝

Ավելին …

Վիզաների և օտարերկրյա քաղաքացիների հաշվառման բաժին

Բաժնի պետ, ոստիկանության փոխգնդապետ՝ Վահե Ռուբիկի Բալաբեկյան 

/հեռ․ 011-37-02-65/ 011-37-02-19

Օտարերկրացիներին ՀՀ-ում ժամանակավոր կամ մշտական կացության կարգավիճակ տալու համար անհրաժեշտ փաստաթղթերի ցանկ

Ժամանակավոր կամ մշտական կացության կարգավիճակ ստանալու (կացության կարգավիճակը երկարաձգելու) համար օտարերկրացիները ՀՀ ոստիկանության անձնագրային և վիզաների վարչություն, բացառությամբ աշխատանքային գործունեության հիմքով ժամանակավոր կացության կարգավիճակ ստանալու (կացության կարգավիճակը երկարաձգելու) դեպքերի ներկայացնում են`

1) դիմում.

2) 35 x 45 մմ չափսի երեք գունավոր լուսանկար.

3) անձնագիրը, անձնագրի պատճենը և անձնագրի նոտարական կարգով վավերացված հայերեն թարգմանությունը.

4) Հայաստանի Հանրապետությունում կացության կարգավիճակ ստանալու (կացության կարգավիճակը երկարաձգելու) հանգամանքը հիմնավորող փաստաթղթեր.

5) առողջական վիճակի մասին տեղեկանք.

6) պետական տուրքի վճարման անդորրագիրը :

ՀՀ-ում հատուկ կացության կարգավիճակ ստանալու համար անհրաժեշտ փաստաթղթերի ցանկ

1. Դիմում ԱՎՎ պետի անունով
2. Դիմում-հարցաթերթիկ և պատճենը (3 օրինակից)
3. ՀՀ-ում օրինական հիմքով բնակվելը հավաստող փաստաթուղթ՝ ՀՀ մուտքի վիզա, կացության քարտ, ՀՀ հատուկ անձնագիր, սահմանային վերահսկողություն իրականացնող մարմնի կողմից անձի փաստաթղթում ՀՀ մուտք գործելու մասին կատարված նշումը (4 օրինակից)
4. ազգությամբ հայ լինելը հաստատող փաստաթղթերից որևէ մեկը (4 օրինակից)՝

ա. եկեղեցական կառույցների կողմից տրված մկրտության մասին փաստաթուղթ` հաստատված դեսպանության կամ հյուպատոսական հիմնարկի կողմից, մկրտվածի կամ նրա ծնողի ազգությամբ հայ լինելու մասին նշումով,

բ. օտարերկրյա պետության իրավասու մարմինների կողմից տրված եւ ապոստիլով հաստատված կամ հյուպատոսական վավերացմամբ` ազգությամբ հայ լինելու մասին փաստաթուղթ,

գ․ ազգությամբ հայ լինելու հանգամանքը հիմնավորող այլ փաստաթուղթ` հաստատված դեսպանության կամ հյուպատոսական հիմնարկի կողմից,

դ. ծնողի (պապի, տատի, հարազատ քրոջ կամ եղբոր) ծննդյան վկայականը կամ անձը հաստատող այլ փաստաթուղթ, որում առկա է ազգությամբ հայ լինելու վերաբերյալ նշում: Համահայր կամ համամայր եղբոր կամ քրոջ ծննդյան վկայականը կամ ազգությունը հաստատող այլ փաստաթուղթն անձի համար կարող է հանդիսանալ ազգությունը հաստատող փաստաթուղթ, եթե եղբոր կամ քրոջ ազգությամբ հայ լինելը պայմանավորված է նրանց համատեղ ծնողի ազգությամբ.

Սույն կետի "դ" պարբերությամբ նախատեսված փաստաթղթերի հետ միասին ներկայացվում է նաեւ տվյալ անձի ազգակցական կապը հիմնավորող` իրավասու պետական մարմինների կողմից տրված փաստաթուղթ:

Ազգությամբ հայ լինելը հաստատող փաստաթղթեր են համարվում նաև ազգությամբ հայ լինելու վերաբերյալ նշում պարունակող անձնագիրը, ծննդյան վկայականը

5. անձնագիր կամ ճամփորդական փաստաթուղթ և դրա նոտարական կարգով վավերացված հայերեն թարգմանությունը և պատճենը (3 օրինակից)
6. 5սմ x 4.5սմ չափսի 6 գունավոր լուսանկար
7. պետական տուրքի վճարման անդորրագիր ( 900005162111100- 150.000 դրամ):

Հրավեր

Օտարերկրացուն Հայաստանի Հանրապետություն այցելելու հրավեր կարող են տալ`

ա) Հայաստանի Հանրապետությունում բնակվող Հայաստանի Հանրապետության քաղաքացին.

բ) Հայաստանի Հանրապետությունում կացության կարգավիճակ ունեցող օտարերկրացին:

Հրավերի դեպքում հրավիրող անձը ներկայացնում է իր անձնագիրը և դրա պատճենը /կացության կարգավիճակ ունեցող օտարերկրացին նաև կացության կարգավիճակը հավաստող փաստաթուղթը և դրա պատճենը/, հրավիրվողի անձնագրի պատճենը, պետական տուրքի վճարման անդորրագիրը (900005162111100- 5.000 ՀՀ դրամ յուրաքանչյուր հրավիրվող անձի դեպքում):

 Հրավիրող անձը նաև պետք է լրացնի ՀՀ այցելելու հրավերի ձևաթուղթը:

ՀՀ մուտքի վիզան երկարաձգելու  դեպքում օտարերկրացին ԱՎ վարչություն է ներկայացնում դիմում-հարցաթերթիկ /Ձև 3/, անձնագիրը, անձնագրի պատճենը, 1 գունավոր լուսանկար՝ 35x45 չափսի և պետական տուրքի վճարման անդորրագիրը (900005162111100 - 500 ՀՀ դրամ յուրաքանչյուր օրվա համար):

Պահանջվող փաստաթղթերն օտար լեզվով կազմված լինելու դեպքում դիմումատուն ներկայացնում է նաև դրանց՝ օրենքով սահմանված կարգով կատարված և վավերացված հայերեն թարգմանությունները:  

Հասարակական հարաբերությունների զարգացման և ժամանակի մարտահրավերներին համընթաց իրավական դաշտ ապահովելու անհրաժեշտությամբ պայմանավորված ՀՀ քաղաքացու անձնագրի տրամադրման ոլորտը կարգավորող օրենսդրության՝ /«ՀՀ քաղաքացու անձնագրի մասին» օրենքում և ՀՀ կառավարության 25.12.1998թ.«Հայաստանի Հանրապետությունում անձնագրային համակարգի կանոնադրությունը և ՀՀ քաղաքացու անձնագրի նկարագիրը հաստատելու մասին» թիվ 821 որոշման/ մեջ  2022 թ․ կատարվել են բարեփոխումներ։ 

Ավելին …

Քաղաքացիության բաժին

Բաժնի պետի պարտականությունները ժամանակավոր կատարող՝ Սեդա Ռոբերտի Հարությունյան

/հեռ․ 011-37-02-58/

ՀՀ քաղաքացիություն ձեռք բերելու և դադարեցնելու հետ կապված հարաբերությունները կարգավորվում են <<ՀՀ քաղաքացիության մասին>> ՀՀ օրենքով, ինչպես նաև ՀՀ կառավարության 2007թ. նոյեմբերի 23-ի N 1390-Ն որոշմամբ:

Քաղաքացին ՀՀ քաղաքացիություն ստանալու կամ դադարեցնելու մասին դիմումը և օրենքով սահմանված փաստաթղթերը անձամբ ներկայացնում է Հայաստանի Հանրապետությունում Հայաստանի Հանրապետության ոստիկանության անձնագրային և վիզաների վարչություն, իսկ օտարերկրյա պետություններում՝ Հայաստանի Հանրապետության դեսպանություն կամ հյուպատոսական հիմնարկ:

1. Հայաստանի Հանրապետության քաղաքացիություն ստանալու համար անհրաժեշտ փաստաթղթերն են`

1) դիմում-հարցաթերթ.

2) օտարերկրյա պետության կողմից տրված վավեր անձնագիր և դրա պատճենը.

3) 35 x 45 մմ չափի 6 լուսանկար (գունավոր).

4) ծննդյան վկայականը և դրա պատճենը.

5) ամուսնության վկայականը և դրա պատճենը.

6) ամուսնու անձնագիրը և դրա պատճենը.

7) իր զավակի ծննդյան վկայականը և դրա պատճենը և զավակի Հայաստանի Հանրապետության քաղաքացու անձնագիրը և դրա պատճենը կամ ՀՀ քաղաքացիությունը հավաստող այլ փաստաթուղթ

8) ազգությամբ հայ լինելը հաստատող փաստաթղթերից որևէ մեկը`

ա. սույն որոշման N 4 հավելվածում նշված եկեղեցական կառույցների կողմից տրված մկրտության մասին փաստաթուղթ` հաստատված սույն որոշմամբ նախատեսված կարգով, մկրտվածի կամ նրա ծնողի ազգությամբ հայ լինելու մասին նշումով,

բ. օտարերկրյա պետության իրավասու մարմինների կողմից տրված և ապոստիլով հաստատված կամ հյուպատոսական վավերացմամբ` ազգությամբ հայ լինելու մասին փաստաթուղթ,

գ. ազգությամբ հայ լինելու հանգամանքը հիմնավորող այլ փաստաթուղթ` հաստատված սույն որոշմամբ նախատեսված կարգով,

դ. ծնողի (պապի, տատի, հարազատ քրոջ կամ եղբոր) ծննդյան վկայականը կամ անձը հաստատող այլ փաստաթուղթ, որում առկա է ազգությամբ հայ լինելու վերաբերյալ նշում: Համահայր կամ համամայր եղբոր կամ քրոջ ծննդյան վկայականը կամ ազգությունը հաստատող այլ փաստաթուղթն անձի համար կարող է հանդիսանալ ազգությունը հաստատող փաստաթուղթ, եթե եղբոր կամ քրոջ ազգությամբ հայ լինելը պայմանավորված է նրանց համատեղ ծնողի ազգությամբ.

9) սույն կետի 8-րդ ենթակետի «դ» պարբերությամբ նախատեսված փաստաթղթերի հետ միասին ներկայացվում է նաև տվյալ անձի ազգակցական կապը հիմնավորող` իրավասու պետական մարմինների կողմից տրված փաստաթուղթ: Ազգությամբ հայ լինելը հաստատող փաստաթղթեր են համարվում նաև սույն կետի 2-րդ, 4-րդ և 10-րդ ենթակետերով նախատեսված` ազգությամբ հայ լինելու վերաբերյալ նշում պարունակող փաստաթղթերը.

10) քաղաքացիություն չունեցող անձի կացության վկայականը և դրա պատճենը

11) փախստականի կոնվենցիոն ճամփորդական փաստաթուղթը

12) Հայաստանի Հանրապետությունում կացության կարգավիճակը կամ օրինական բնակությունը հաստատող փաստաթուղթը և դրանց պատճենները.

13) պետական տուրքի վճարումը հավաստող փաստաթուղթը:

2. Հայաստանի Հանրապետության քաղաքացիությունը դադարեցնելու համար անհրաժեշտ փաստաթղթերն են`

1) դիմում-հարցաթերթ.

2) վավեր անձնագիր և դրա պատճենը.

3) ծննդյան վկայականը և դրա պատճենը,

4) 35 x 45 մմ չափի 6 լուսանկար (գունավոր).

5) ամուսնության վկայականը և դրա պատճենը.

6) իր երեխայի ծննդյան վկայականը և դրա պատճենը.

7) զինվորական գրքույկը (զինապարտ քաղաքացիների համար).

8) պետական տուրքի վճարումը հավաստող փաստաթուղթը.

9) այլ պետության քաղաքացիություն ունենալու դեպքում տվյալ պետության իրավասու մարմնի կողմից տրված վավեր անձնագիր և դրա օրենքով սահմանված կարգով կատարված և վավերացված հայերեն թարգմանությունը.

10) օտարերկրյա պետության իրավասու մարմնի կողմից տրված գրավոր հավաստում (տեղեկանք) տվյալ պետության քաղաքացիություն ձեռք բերելու իրավական հնարավորության մասին, եթե դիմումատուն չունի այլ պետության քաղաքացիություն և դրա օրենքով սահմանված կարգով կատարված և վավերացված հայերեն թարգմանությունը:

3. Երեխայի՝ Հայաստանի Հանրապետության քաղաքացիությունը դադարեցնելու համար անհրաժեշտ փաստաթղթերն են՝

1) դիմում-հարցաթերթ.

2) երեխայի Հայաստանի Հանրապետության քաղաքացու վավեր անձնագիրը և դրա պատճենը.

3) դիմող ծնողի  վավեր անձնագիրը և դրա պատճենը.

4) 35 x 45 մմ չափի 6 լուսանկար (գունավոր).

5) ամուսնության կամ հայրության ճանաչման վկայականը կամ միայնակ մայր լինելու վերաբերյալ փաստաթուղթ և դրա պատճենը.

6) երեխայի ծննդյան վկայականը և դրա պատճենը.

7) մյուս ծնողի համաձայնությունը և անձը հաստատող փաստաթղթի պատճենը, եթե ծնողներից մեկը հանդիսանում է Հայաստանի Հանրապետության քաղաքացի։ Ընդ որում, ծնողի կողմից համաձայնությունը վարչությունում կամ դեսպանություն կամ հյուպատոսական հիմնարկում անձամբ ներկայացնելու անհնարինության դեպքում ներկայացվում է համաձայնության՝ և օրենքով սահմանված կարգով կատարված և հաստատված հայերեն թարգմանությունը.

8) պետական տուրքի վճարումը հավաստող փաստաթուղթը.

9) երեխայի՝ այլ պետության քաղաքացիություն ունենալու դեպքում տվյալ պետության իրավասու մարմնի կողմից տրված վավեր անձնագիրը.

10) օտարերկրյա պետության իրավասու մարմնի կողմից տրված գրավոր հավաստում (տեղեկանք) տվյալ պետության քաղաքացիություն ձեռք բերելու իրավական հնարավորության մասին, եթե երեխան չունի այլ պետության քաղաքացիություն և դրա օրենքով սահմանված կարգով կատարված և հաստատված հայերեն թարգմանությունը.

11) Տասնչորսից մինչև տասնութ տարեկան երեխայի գրավոր համաձայնությունը:

ՀՀ քաղաքացիություն ստանալու  և դադարեցնելու համար պահանջվող փաստաթղթերն օտար լեզվով կազմված լինելու դեպքում դիմումատուն ներկայացնում է նաև դրանց՝ օրենքով սահմանված կարգով կատարված և վավերացված հայերեն թարգմանությունները:  

Բաժնի պետ` Աննա Հովսեփի Մակարյան

ՀՀ անձնագիր ստանալու համար ներկայացվող փաստաթղթերը՝

ՀՀ քաղաքացուն առաջին անգամ ՀՀ անձնագիր տալու համար ներկայացվում են հետևյալ փաստաթղթերը`

1. Սահմանված ձևի դիմում,
2. Ծննդյան վկայականը և դրա լուսապատճենը,
3. 35x45 մմ չափսի 2 գունավոր լուսանկար,
4. Թվարկվածներից մեկը՝ կախված տվյալ դեպքից.
   ա)ծնողների ամուսնության վկայականը և դրա լուսապատճենը,
   բ)հայրության ճանաչման վկայականը և դրա լուսապատճենը,
   գ)միայնակ մայր լինելու վերաբերյալ տեղեկանքը և դրա լուսապատճենը,
   դ)մահվան վկայականը և դրա լուսապատճենը,
   ե)օրենքով սահմանված կարգով անհայտ բացակայող կամ մահացած ճանաչվելու վերաբերյալ դատարանի վճիռը և դրա լուսապատճենը,
5. Պետական տուրքի վճարման անդորրագիր:
6. Զինապարտների դեպքում՝ զինվորական կցագրման վկայական կամ զինվորական գրքույկ և դրանց` զինվորական հաշվառման տվյալներով էջերի լուսապատճենները կամ զինվորական հաշվառման փաստը հավաստող տեղեկանք։

Անձնագրի փոխանակումը

ՀՀ քաղաքացու անձնագիրը փոխանակելու համար ներկայացվում են հետևյալ փաստաթղթերը՝

1. Դիմում՝ ՀՀ անձնագիր ստանալու մասին,
2. Փոխանակման ենթակա անձնագիրը,
3. 35x45 մմ չափսի 2 գունավոր լուսանկար,
4. Պետական տուրքի վճարման անդորրագիր,
5. Փոփոխությունները կամ անճշտությունները հաստատող փաստաթղթեր,
6. Համապատասխան զինվորական կոմիսարիատում զինհաշվառման կանգնած լինելու փաստը հավաստող փաստաթուղթ։

Անձնագրի  կորստյան կապակցությամբ նոր անձնագրով փաստաթղթավորելը

Կորցրած ՀՀ անձնագրի փոխարեն նորը ստանալու համար  ներկայացվում են հետևյալ փաստաթղթերը`

1. Դիմում  ՀՀ անձնագիր ստանալու մասին,
2. 35x45 մմ չափսի 2 գունավոր լուսանկար,
3. Զինապարտների դեպքում՝ զինվորական կցագրման վկայական կամ զինվորական գրքույկ կամ զինվորական հաշվառման փաստը հավաստող տեղեկանք,
4. Պետական տուրքի վճարման անդորրագիր։

Պահանջվող փաստաթղթերն օտար լեզվով կազմված լինելու դեպքում դիմումատուն ներկայացնում է նաև դրանց՝ օրենքով սահմանված կարգով կատարված և վավերացված հայերեն թարգմանությունները:  

Հարգելի′ քաղաքացիներ, Հայաստանի Հանրապետությունում

և օտարերկյա պետություններում բնակվող հայրենակիցներ,

     Ուրախ եմ տեղեկացնել, որ սույն թվականի հունիսի 27-ից գործարկվել է Ոստիկանության անձնագրային և վիզաների վարչության պաշտոնական կայքը, որը նպատակ ունի ոստիկանության կողմից իրականացվող շարունակական բարեփոխումների շրջանակներում էլ ավելի բարելավել քաղաքացիներին մատուցվող ծառայությունների որակը, ապահովել հանրության իրազեկվածության բարձրացում, վարչության կողմից կատարվող աշխատանքները դարձնել առավել թափանցիկ ու մատչելի։

    Կայքը եռալեզու է՝ հայերեն, անգլերեն և ռուսերեն, հագեցած է ժամանակակից տեխնիկական լուծումներով և հնարավորություն է ընձեռում արագ փնտրել ու ստանալ անհրաժեշտ տեղեկատվություն՝ ԱՎ վարչության և տարածքային անձնագրային ստորաբաժանումների գործառույթների, տեղակայման հասցեների, հեռախոսահամարների, մատուցվող ծառայությունների, վարչության գործունեության ոլորտը կանոնակարգող օրենսդրության և այլ հարցերի վերաբերյալ, ինչպես նաև հետևել քաղաքացիություն ստանալու կամ դադարեցնելու դիմումների ընթացքին։

    Կարևորելով աշխատանքները պատշաճ կազմակերպելու ու կատարելագործելու ԱՎ վարչության առջև դրված առաջնային խնդիրը` հուսով եմ կայքը հնարավորություն կընձեռի ինչպես հանրության հետ անընդհատական կապ ապահովելու, ներկայացվող առաջարկները քննարկելու, վերլուծելու և շարունակական մոնիտորինգ իրականացնելու միջոցով գտնելու նոր առաջադեմ լուծումներ՝ որակյալ ծառայությունների մատուցման համար, այնպես էլ կծառայի հանրության իրազեկվածության բարձրացմանը, ինչին կնապաստեն նաև պարբերաբար կատարվող թարմացումները։

Անձնագրային և վիզաների վարչության պետ

 Արա Մկրտչյան