Քաղաքացիության բաժինը՝
1․ ընդունում և սահմանված կարգով ուսումնասիրում է Հայաստանի Հանրապետության քաղաքացիություն ստանալու, վերականգնելու, Հայաստանի Հանրապետության քաղաքացիությունը դադարեցնելու փաստաթղթեր,
2․ սահմանված կարգով ստուգում է Հայաստանի Հանրապետության քաղաքացիության համար դիմած անձանց Հայաստանի Հանրապետության Սահմանադրության և հայոց լեզվի իմացությունը,
3․ ՀՀ քաղաքացիություն ստանալու և դադարեցնելու վերաբերյալ գործերը Հայաստանի Հանրապետության օրենսդրությամբ սահմանված կարգով ներկայացնում է Հայաստանի Հանրապետության Նախագահի աշխատակազմ,
4․ կազմակերպում է Հայաստանի Հանրապետության քաղաքացիություն ստացած անձանց երդման արարողությունը,
5․ Հայաստանի Հանրապետության օրենսդրությամբ սահմանված կարգով իրավասու մարմիններին և անձանց տրամադրում է քաղաքացիության վերաբերյալ տեղեկատվություն,
6․ իրականացնում է Հայաստանի Հանրապետության Նախագահի հրամանագրով Հայաստանի Հանրապետության քաղաքացիություն ստացած անձանց նույնականացման քարտ և անձնագիր տալու գործընթացները,
7․ իրականացնում է ՀՀ օրենսդրությամբ սահմանված այլ գործառույթներ: