Հայաստանի Հանրապետության ոստիկանության անձնագրային և վիզաների վարչությունը ոստիկանության կենտրոնական ապարատի անմիջական ենթակայության ստորաբաժանում է, որի գործունեության հիմնական ուղղություններն (գործառույթներ) են՝
- Հայաստանի Հանրապետության տարածքում անձնագրային միասնական համակարգի և վարչության տարածքային անձնագրային ծառայությունների գործունեության կազմակերպումը, ղեկավարումն ու վերահսկումը.
- անձնագրերի, նույնականացման քարտերի, վիզաների, Հայաստանի Հանրապետությունում բնակվող օտարերկրացիներին կացության կարգավիճակի տրամադրման, բնակչության պետական ռեգիստրի վարման, միգրացիայի ոլորտում քաղաքականության և հայեցակարգերի մշակումը,
- Հայաստանի Հանրապետության քաղաքացիներին նույնականացման քարտերի, անձնագրերի տրամադրումն ու անձնագրում օտարերկրյա պետությունում վավերական լինելու վերաբերյալ նշումների կատարումը,
- Հայաստանի Հանրապետության քաղաքացիություն ստանալու, Հայաստանի Հանրապետության քաղաքացիությունը դադարեցնելու վերաբերյալ փաստաթղթերի ընդունումն ու օրենքով սահմանված կարգով նյութերը Հայաստանի Հանրապետության Նախագահին ներկայացումը,
- անձի քաղաքացիության որոշումն ու քաղաքացիության վերաբերյալ տեղեկատվության տրամադրումը,
- Հայաստանի Հանրապետությունում փախստական ճանաչված և ապաստան ստացած անձանց, անձանց կոնվենցիոն ճամփորդական փաստաթղթերի տրամադրումը,
- Հայաստանի Հանրապետությունում քաղաքացիություն չունեցող անձանց տրամադրում է կացության վկայականների տրամադրումը,
- Հայաստանի Հանրապետության օրենսդրությամբ սահմանված դեպքերում և կարգով օտարերկրյա քաղաքացիներին և քաղաքացիություն չունեցող անձանց Հայաստանի Հանրապետության մուտքի վիզաների, կացության կարգավիճակների տրամադրումը,
- Հայաստանի Հանրապետության բնակչության պետական ռեգիստրի վարումը,
- Հայաստանի Հանրապետությունում օրինական բնակվող կամ գտնվող անձանց հանրային ծառայության համարանիշի տրամադրումը,
- «Հայաստանի Հանրապետության ընտրական օրենսգիրք» սահմանադրական օրենքով սահմանված դեպքերում և կարգով ընտրողների ռեգիստրի վարումը, ընտրողների ցուցակները կազմելու և ճշգրտելու, համապատասխան տեղեկանքներ տրամադրելու աշխատանքների իրականացումը,
- օրենքներով, ենթաօրենսդրական ակտերով և միջազգային պայմանագրերով սահմանված այլ գործառույթների իրականացումը։